Uashingtoni u bëri thirrje autoriteteve të Maqedonisë të formojnë pa vonesë qeverinë e re.
Një zëdhënës i Departamentit të Shtetit i tha Zërit të Amerikës se pas zgjedhjeve të dhjetorit, ka një shumicë të qartë në parlament dhe se qeveria e re duhet të formohet pa vonesa të mëtejshme që vendi të rifillojë reformat e duhura për t’u anëtarësuar në familjen euro-atlantike.
Politikanët që përpiqen të bllokojnë formimin e qeverisë, tha zyrtari amerikan, po minojnë shtetin ligjor, procesin demokratik, stabilitetin e vendit dhe të rajonit më gjerë.
Shtetet e Bashkuara, theksoi zëdhënësi i Departamentit të Shtetit, do të punojnë me partnerët evropianë, për t’i nxitur politkkanët të heqin dorë nga pengesat, si dhe t’i mbajnë ata përgjegjës për veprimet e tyre.
Që prej zgjedhjeve të parakohshme të dhjetorit, në Maqedoni po vazhdon ngërçi politik me zvarritjen e transferimit të pushtetit te shumica e re e deklaruar parlamentare.
Pak kohë pas pensionimit nga futbolli, Varane merr një punë ...
Hapet ‘Tenda e errët’ në kuadër të javës së ndërgjegjësimit ...
LVV reagon ndaj opozitës: Me Qeverinë Kurti nuk mund të blih...
Ish-i burgosuri politik që vuajtjen e dënimit në burgun e Bo...
“Shet krema” e “për çka ke ardhë ti këtu?” – nisin debatet e...
Biblioteka Kombëtare e Kosovës dhe ajo e Turqisë nënshkruajn...